Vinaskákfélagið Við erum ein fjölskylda.
Skemmtikvöld Vinaskákfélagsins var haldið fimmtudaginn 30 Janúar 2020 í skákskólanum Faxafeni 12 (Skáksambandið) og hófst klukkan 19:30, stundvíslega.
Dagskrá kvöldsins var glæsileg:
Róbert Lagerman bauð gesti velkomna
Róbert Lagerman forseti Vinaskákfélagsins, bauð gesti velkomna á skemmtikvöldið.
Omar Salama var með mjög fróðlegan skák-fyrirlestur. Omar hefur víðtæka reynslu sem skákþjálfari, og er einn virtasti skákdómari í skák-heiminum í dag.
Fyrirlestur Omars var um það hvernig skákmenn eigi að undirbúa sig fyrir skákmót og voru gestir sammála því að fyrirlestur hans væri góð viðbót fyrir okkur til að ná árangur í skákinni.
Omar Salama hélt fyrirlestur á skemmtikvöldinu
Hinn geðþekki skákmaður Þorvarður F. Ólafsson kom færandi hendi með gómsætar veitingar frá Myllunni, en þar hefur hann starfað í mörg ár. Voru kræsingarnar gerð góð skil, svo mikil að skákmenn sem voru að tefla hjá TR, komu til að gæða sér á veitingunum.
Einnig var boðið upp á kaffi, ásamt vel kældum gosdrykkjum.
Ókeypis var inn á skemmtikvöldið og skemmtu gestir sér vel.
Það er vel við hæfi að segja að við skákmenn séum ein fjölskylda.
Stjórn félagsins þakkar þeim sem komu á skemmtikvöldið.
Kveðja, Róbert Lagerman og Hörður Jónasson
