Vinaskákfélagið Við erum ein fjölskylda.
Í dag 7 apríl 2025 var haldið glæsilegt Páskaskákmót Vinaskákfélagsins í Vin Dagsetur.
Fyrir utan skákmótið sjálft þá var dagskráin glæsileg og fengum við Borgarstjóra hana Heiðu Björg Hilmisdóttir í heimsókn.
Dagskráin byrjaði á því að afhent voru verðlaun fyrir Skákmann ársins 2024 hjá Vinaskákfélaginu en það var Róbert Lagerman sem hlaut þann titil.
Skákmaður ársins 2024
Ennfremur voru afhent verðlaun fyrir Skákmann Athvarfa, Búsetukjarna og Sambýla 2024 hjá Vinaskákfélaginu. Það var Pétur Jóhannesson sem hlaut þau verðlaun.
Skákmaður Athvarfa, Búsetukjarna og Sambýla 2024
Næst á dagskrá var komið að Borgarstjóra að koma upp í Skákhofið okkar og rita nafn sitt á sérstakt skákborð sem hangir þar upp á vegg.
Borgarstjóri áritar nafn sitt á skákborðið
Nú var komið að skákmótinu sjálfu, en tefldar voru 6 umferðir með 7 mín., á klukkunni. 12 manns mættu til leiks.
Borgarstjóri lék fyrsta leikinn hjá Róbert Lagerman á móti Birni Agnarssyni.
Borgarstjóri að leika fyrsta leiknum
Róbert Lagerman sigraði mótið með fullu húsi eða 6 vinninga.
2 sæti varð Ólafur Thorsson með 5 vinninga.
3 sæti varð Kristján Örn Elíasson með 4 vinninga.
Verðlaunahafarnir ásamt Björgvini
Fyrstu 3 sætin fengu auk verðlaunapeninga, páskaegg að launum.
Aukavinningur hlaut Björgvin Kristbergsson og fékk hann páskaegg að launum.
Að lokum skákmóti, gæddu skákmenn sér á ljúfengum vöflum og kaffi hjá Sabrínu starfsmanni Vinjar.
Allir skemmtu sér vel og gekk mótið vel.
Sjá öll úrslit mótsins hér: Páskaskákmót Vinaskákfélagsins 2025
Kveðja, Hörður Jónasson forseti Vinaskákfélagsins.
